Uppskriftir

Gott og Gómsætt 

28.7.2008 | 12:11

Mexikanskt kjúklingalasagne

Uppskriftin frá Matthildi:

1 dós Refried beans

2 dl. Vatn

1 tsk. Salt

1 tsk. Kúmen

2-3 msk. Jalepeno (sleppti þessi þegar ég gerði réttinn)

6-8 pönnukökur

1-2 grillaðir kjúklingar

2-3 msk. Mexikanst krydd

1 dós salsasósa

1 poki rifin ostur

½ dós sýrður rjómi

1 dós (lítil) rjómaostur

Fetaost eða gráðost dreift yfir ( Ég notaði fetaost)

Baunamauk: Baunir, vatn, salt og kúmen hitað í potti. 

Tvær pönnukökur settar í botn á eldföstu móti.  Hulið með baunamauki, hálfur kjúklingur rifin niður og  settur yfir, kryddað með mexikönsku kryddi og hálf dós salsasósa dreift yfir, rifin ostur settur ofan á. 

Endurtekið  tvær pönnukökur, baunamauk, kjúklingur, salsa, krydd og ostur. 

Endað  á tveim pönnukökum, sýrðum rjóma og rjómaost hrært saman og smurt á pönnukökurnar, síðan er ost dreift yfir og fetaost/gráðost.

Hitað í ofni í ca 15- 20 mín

______________________________________________________________________________

Kornflakes kaka (Rúna)
 
3 stk egg
1 bolli sykur      
þeytt vel saman.
 
1 tsk lyftiduft
1/2 bolli súkkulaði brytjað
1 bolli möndlur
1 bolli kornflakes
Þessu blandað varlega saman við eggjarblöndu með sleif
Sett í 2 form og ég bakaði þetta við 150° blástur í 25 - 30 mín jafnvel lengur bara fylgjast með.
 
1  peli rjóma á milli botna
 
Kremið:
20 freyjukaramellur
1 dl rjómi
Karamellur bræddar í rjómanum og sett svo yfir kökuna.

____________________________________________________________________

Krítarkjötbollur (Lilja)

500 g nautahakk

1 laukur fínt saxaður (í matvinnsluvél)

3 kartöflur, soðnar og skornar í teninga

1 egg

1 ½ msk sítrónusafi

2 brauðsneiðar, grófar

1 tsk kóríanderduft

1 msk þurrkuð mynta

2 msk fersk mynta, söxuð

2 msk steinselja, söxuð

2 msk kóríander, saxað

1 tsk kummin

svartur nýmalaður pipar

salt

1 dl brauðrasp

3-4 msk ólífuolía

salat, kóríander og sítrónubátar til skrauts

Setjið nautahakkið í stóra skál ásamt lauknum, kartöflunum, egginu og sítrónusafanum.  Fjarlægið skorpuna af brauðsneiðunum og rífið sneiðarnar í smátt.  Bætið þeim í skálina, ásamt kryddinu, og blandið vel saman.  Gott er að vera með einnota hanska og blanda þessu saman með höndunum.  Búið til litlar bollur, veltið þeim upp úr raspinu og steikið þær í ólífuolíunni við meðalhita í u.þ.b. 3 mínútur eða eftir smekk; steikingin getur verið svolítið mismunandi eftir stærðinni á bollunum.  Setjið þær á disk eða fat og skreytið með salati, kóríander og sítrónubátum.

 

Meðlæti

Kúskús (marokkó bragð fæst í Bónus)

saxað kóríander og sítrónubitar saman við

Ofnsteik grænmeti

Kartöflur

Sætar kartöflur

Gulrætur

Rauðlaukur

Hvítlaukur

Paprika

Grænmetið er skorið t.d. í báta, ólífuolíu helt yfir og kryddað með timian, paprikudufti, salti og pipar.  Bakað í ofni.

_____________________________________________________________________________

 

Kjúklingasalat (Hlín)

 

Kjúklingabringur - sneiddar í bita, kryddaðar með salti og svörtum pipar. 

Steiktar upp úr olíu og látið malla pínu stund í  honey - barbecue sósu frá Hunts.

Salat  að eigin vali - vorum með spínat, iceberg og klettasalatsblöndu (að mig minnir)

Tómatar

Rauðlaukur

Feta ostur

Jarðaber

furuhnetur ristaðar

mangó

dorritos 

Sósa

1/2 bolli ólífu- olía  (sumir nota bara olíuna af fetanum)

3 msk maple sýróp

4 msk balsamic edik

3 msk honey barbecue sósa frá Hunts.

1/4 rauðlaukur (mjög smátt skorinn)

2-3  hvítlauksgeirarsesamfræ  (ristuð)  (magn eftir smekk)

_____________________________________________________________________________

 

"ávaxta-prótein & trefja-desertinn" (Íris)

 

Lu-desert með skyri

1 pk Lu-kanilkex

100 gr Smjörvi

1 stór dós KEA vanilluskyr

smá vanillusykur

1/2 l rjómi

bláberjasulta

2-3 öskjur jarðarber

bláber

- kexið er mulið og sett í skál

- Smjörvinn er bræddur og blandað saman við kexmulninginn, sett í skál

- rjóminn er þeyttur

- skyri og þeyttum rjóma blandað saman og smakkað til með vanillusykri, svo hellt yfir kexið

- bláberjasultu smurt yfir

- þakið vel með berjum

* gott að gera (allt nema berin) einhverjum klst, jafnvel daginn áður en bera á réttinn fram, þá nær kexið að blotna og mýkjast enn betur en ella*

____________________________________________________________________________

.......og í kaupbæti fylgir önnur útgáfa;

Lu-réttur með súkkulaðirjóma

1 pk Lu-kanilkex

bláberjasulta (tæplega 1 krukka)

1 peli rjómi

tæplega 150 gr (1 poki) súkkulaðispænir

ca 2 box jarðarber + bláber (eða epli + vínber ef hitt ekki fæst)

- kexið er mulið og sett í skál

- sultunni hrært saman við

- rjóminn þeyttur og súkkulaðispæninum blandað útí hann

- honum svo murt yfir kexið og síðan skreytt með berjunum

* Gott að gera (allt nema berin) einhverjum klst eða jafnvel daginn áður en bera á réttinn fram, þá nær kexið að blotna og mýkjast enn betur en ella *

_____________________________________________________________________________

 

Kjúklingaburritos (Bergrós)

Grænmeti:

Paprika eftir smekk

Brokkoli eftir  smekk

½ Laukur

Furuhnetur eftir smekk

2-3 Hvítlauksrif

Smávegis ferskt koriander

Allt skorið smátt

 

Kjúklingabringur skornar í  bita og steiktar úr hvítlauks-kryddolíu frá Pottagöldrum.

Kriddað með garlic season-all

 

Sósa:

Rjómaostur

½ kukka af Creole sósu frá Discovery (ég nota minnst eina krukku)

Sósan er hituð í  sér potti.

Öllu er  svo  blandað saman, kjúklingnum grænmetinu og sósunni.

Eftir að öllu er blandað saman er sett  hæfilega  mikið magn á mexikóskar pönnukökur og rúllað upp. Raðað í eldfast  mót og einni  dós af sýrðum rjóma smurt yfir. Rifnum osti  er svo stráð yfir að lokum.

Hitað í ofni í 15-20 min.

Ég set mjög oft nachos yfir réttinn á undan ostinum  - Mjög gott

_____________________________________________________________________________

Spínat salat-IÐ (Íris)

 

1 poki  frosið spínat

3-4  marin og söxuð hvítlauksrif

1 dós  sýrður rjómi

2-3 msk  majones

1 dós rjómaostur m. hvítlauk  (helst við stofuhita)

1 dós rjómaostur m. svörtum pipar (helst við stofuhita)

(½ dós Water-Chestnuts, saxað í “öreindir”) – má sleppa.. og það geri ég.. 

Krydd

1/3 – ½ pakki púrrulaukssúpa svartur, nýmalaður pipar soja sósa Worchestersósa Tabasco sósa (nokkrir dropar) 

Aðferð-

setja frosið spínatið í sigti og ofan í heitt vatn- hræra saman majones og sýrðan rjóma, bæta svo ostinum við - bæta hvítlauk út í, svo púrrulaukssúpu (byrja á 1/3) - kreista vel vökva úr spínati og bæta því út í - krydda varlega e. smekk og muna að hvítlaukur er lengi að komast í gegn !!- berið fram með Doritos-flögum (eða snittubrauði) 

** gott að gera nokkrum klst áður en bera á fram, jafnvel heilum sólarhring áður ** 

________________________________________________________________________________________________________

Gulrótarkaka Írisar

2 ¼ bolli rifnar gulrætur

1 ½ bolli hveiti1 bolli sykur

1 bolli heslihnetuflögur (1 poki)

1 bolli ólífuolía (eða aðeins ríflega það)

3 egg

1 ½ tsk lyftiduft

1 ½ tsk matarsódi

1 ½ tsk kanill

Öllu blandað saman og hrært vel. Bakað í 2 mótum við 175 C uns tilbúið. 

Krem:

200 gr rjómaostur (við stofuhita)

80 gr smjör (við stofuhita)

300 gr flórsykur

2-3 tsk vanilludropar

Hræra rjómaostinn vel, bæta svo smjörinu við og að lokum flórsykri og vanilludropum. Smurt á milli botnanna, sem og ofaná og utaná. Skreytt e/hugmyndaflugi…-         Til að gera í stóra ofnskúffu, geri ég 1 ½  uppskrift af deigi, en bara 1 af kremi (1 uppskrift dugar í svona minni skúffur með loki) 

______________________________________________________________________________________________________

Döðluræskrispíkökukonfekt / Kötlugott

250 g smjör
120 g púðusykur
300 g döðlur
300 g suðusúkkulaði
5 dl ræskrispí

Setjið smjörið og púðusykurinn í pott og bræðið, látið suðuna koma upp. Verið búnar að klippa döðlurnar í smátt og hellið þeim útí pottinn þegar suðan er komin upp. Hrærið vel og leyfið döðlunum að "bráðna" þar til þetta er orðið mjúkt og lítur út eins og karamella. Þá eru 5 dl af "ræskrispí" settir útí pottinn og hrært við. Hellið svo í form og þjappið niður og sléttið með matskeið. Geymið inní ískáp í smá stund á meðan þið bræðið súkkulaðið. Hellið svo bræddu súkkulaðinu yfir og setjið aftur inní ískáp svo súkkulaðið harðni.

Hentugast er að skera þetta í litla bita og raða á disk:)

______________________________________________________________________________________________________

Kotasælubollur - Hlínsunar

450 G HVEITI
3 dl mjolk
1 bréf ger  (12 g)
1 dl olía
1 tsk hvítlaukssalt
1 tsk aromat
1 dl kotasæla
100 g ostur (rifinn)
 
Bakist í 15 mín á 200 C
 
Deigið er blautt þannig að ég hnoða það upp með smá auka hveiti og læt það hefast í 30 mín eða svo.
Hef bollurnar 40-50 g. stórar.
 

______________________________________________________________________________________________________

Skúffukaka (Íris)

(í form m/loki- 1  1/2 uppskrift í stóra skúffu)

2 egg

300 gr sykur

125 gr brætt sjörlíki

250 gr hveiti

4 msk kakó

1 tsk salt

1 tsk lyftiduft

1/2 tsk matarsódi

2 1/2 dl mjólk

Hræra egg og sykur saman

Blanda hinu við

Baka við 175° í 20-25 mín.

_____________________________________________________________________________

Hafraklattar (Sandra)

125 gr Smjör
150 gr Hrásykur (eða púðursykur)
1 stórt Egg
1 tsk Vanilludropar
110 gr Spelt
50 gr Haframjöl
80 gr Kókósmjöl
1 tsk Lyftiduft (t.d. vínsteinslyftiduft)
½ tsk Salt (sjávarsalt eða himalayasalt)
75 gr 70% súkkulaði

Hræra fyrst saman smjör og sykur, bæta egginu út í ásamt vanilludropum
og hræra áfram. Setja svo þurrefnin út í og hræra saman.
Baka í ca. 10 mín við 180°

_____________________________________________________________________________

 

Jarðaberjaterta m/súkkulaði frá Sollu (Sólrún)

Botn:

2 1/2 dl. sesamfræ

2 1/2 dl. kókosmjöl

200 gr. döðlur (lagt í bleyti)

1 dl. ljósar rúsínur (lagt í bleyti)

Smá himalaya eða sjávarsalt

Cayenne á hnífsoddi

allt sett saman í matvinnsluvél eða blender, botninn er svo settur í frysti á meðan fyllingin er gerð.

Fylling:

4 dl. kasjúhnetur (lagðar í bleyti í 2 klst. verður af 6 dl.)

1-1 og 1/2 dl agave síróp

1 og 1/2 dl kaldpressuð kókosolía

3 msk. sítrónusafi

1 dl. appelsínusafi

2 tsk. vannilluduft

smá himalaya eða sjáfasalt

400 gr. frosin jarðaber

sett saman í matvinnsluvél eða blender. Fyllingin er svo sett ofaná botninn og inn í frysti aftur í ca hálf tíma og svo kremið sett á.

Súkkulaðikrem:

1 dl. hreint kakóduft

1/2 kl agave síróp

1 dl kaldpressuð kókosolía

(fersk jarðaber til skrauts, hægt að setja í stórt kökuform eða í muffins form og eiga í frysti)

 

Dekurrófukaka (Eyrún)

1 bolli döðlur
1 bolli sveskjur
1 bolli valhnetur
1 bolli ristaðar kókosflögur
1 banani

Öllu blandað saman í matvinnsluvél.Deigið flatt út á disk og kælt í a.m.k. klst.

Krem:
Dökkt súkkulaði 70%
örlítil kókosolía

Ofaná:
kókós
pekanhnetur
möndluflögur
engifer rifið
Agave sýróp-1 msk

Allt sett á pönnu og ristað.Agave sýrópi velt upp úr og búið til hröngl-mulið yfir kökuna,ásamt jarðaberjum eða bláberjum.

Grænt pestó (Lilja)

1 búnt klettakál (rukola)

2 hvítlauksgeirar

2 msk furuhnetur( ég setti 3msk kasjúhnetur og 2msk möndlur afhíddar)

4 msk parmesan ostur

1 msk ljóst balsamic edik

1 msk sítrónusafi

1-2 tsk agavesíróp

1/2 dl ólífuolía

salt og nýmalaður pipar. 

Setjið allt í matvinnsluvél og maukið. Ég bætti við 5-7 basilíkublöðum, og setti 1/4 tesk salt í hverja blöndu. Ég var að reyna að gera pestóið nógu þykkt svo það myndi sullast síður á dúkana. Þetta þarf ekkert að vera svona þykkt.

Múslínammi

5dl. súkkulaði múslí (lífrænt fæst í FK eða Hagkaup).

1 dl. agave síróp.

1 dl. hnetusmjör.

1/2 dl. kókosolía.

1/2 dl. kakóduft.

smá vanilla.

Svo er auðvitað hægt að bæta og breyta að vild, en ég bæti oft þessu við:

2 msk. kakónibbs.

1 msk. goji powder.

2 msk. hörfræ.

1 tsk. græna bomban (frá jurtaapótekinu).

Kalt pasta salat.

250 gr. pasta

4 stórir tómatar

hálft búnt basilika

hálfur rauðlaukur

2 msk. balsamik edic

1 msk. oliv olia

krydda með salt og pipar.

Næsta uppskr......